|
ក្នុងឱកាសពិធីបុណ្យកាន់បិណ្ឌ ភ្ជុំបិណ្ឌ ប្រពៃណីព្រះពុទ្ធសាសនា ព្រះរាជាណាចក្រកម្ពុជាបានរៀបចំកម្មវិធី “វេចនំជុំញាតិ” ដើម្បីអបអរសាទរបុណ្យភ្ជុំបិណ្ឌនិងបង្កើតបរិយាកាសជួបជុំរីករាយសម្រាប់ប្រជាពលរដ្ឋខ្មែរ។ លោកឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈចូលរួមពិធី “វេចនំជុំញាតិ” សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានលើកឡើងថា “វេចនំជុំញាតិ”គឺជាសកម្មភាពប្រកបដោយអត្ថន័យយ៉ាងជ្រាលជ្រៅដ៏ប្រពៃមួយក្នុងការចូលរួមចំណែកថែរក្សាវប្បធម៌ ប្រពៃណី និងទំនៀមទំលាប់ល្អផូរផង់របស់ដូនតាខ្មែរយើង។
កម្មវិធី “វេចនំជុំញាតិ” បានដើរតួជាវេទិកាមួយបន្ថែមទៀតសម្រាប់ញាតិមិត្តបងប្អូនប្រជាពលរដ្ឋខ្មែរ ជាពិសេសយុវជន យុវតី ឱ្យបានឈ្វេងយល់និងចូលរួមវេចនំអន្សមនិងនំខ្មែរផ្សេងៗទៀត។ កម្មវិធីនេះមិនត្រឹមតែជាការបង្កើតបរិយាយកាសនៃការជួបជុំប្រកបដោយស្នាមញញឹម មោទកភាព និង ក្ដីស្រឡាញ់ប៉ុណ្ណោះទេ ថែមទាំងបានក្លាយជាវេទិកាសម្រាប់ចូលរួមបន្តថែរក្សាកេរដំណែលពីដូនតារបស់យើងតាមរយៈការស្វែងយល់ ប្រតិបត្តិ អភិរក្ស និងអភិវឌ្ឍ៕ |
